ტურები

სვანეთი საქართველოს ყველაზე მაღალმთიანი ისტორიულ-გეოგრაფიული მხარეა, რომელიც დასავლეთ საქართველოს ჩრდილოეთ ნაწილში მდებარეობს. სვანეთი მკვეთრად გამოხატული ინდივიდუალიზმით გამოირჩევა. მწვერვალები, ქარაფები, ციხე-კოშკები, რომლებიც თავისუფლებისა და ძლიერი სულის სიმბოლო გამხდარა, დიდი ხანია მოგზაურების, დამსვენებლებისა თუ სამთო სპორტის მოყვარულების ყურადღებას იპყრობს. ეს უძველესი კულტურის მქონე მხარე ძალიან საინტერესოა მრავალრიცხოვანი კულტურული ძეგლებით, სახასიათო ფრესკული ნიმუშებით, წეს-ჩვეულებებითა და მრავალფეროვანი შთამბეჭდავი ბუნებით.

სათხილამურო კურორტი ბაკურიანი თრიალეთის ქედის ჩრდილოეთ კალთაზე, ბორჯომის მუნიციპალიტეტში, ზღვის დონიდან 1700 მეტრზე მდებარეობს. ბაკურიანი თბილისიდან დაახლოებით 180 კილომეტრში, ხოლო ბორჯომიდან 30 კილომეტრის დაშორებითაა. ბაკურიანის კლიმატი სამკურნალო თვისებებით გამოირჩევა, შესაბამისად სეზონზე უამრავ დამსვენებელს მასპინძლობს.  ბაკურიანი, როგორც სათხილამურო კურორტი 1935 წელს დაარსდა. აქ ძირითადად 23 განსხვავებული სახის სასრიალო გზებია, რომლებიც მოთხილამურის დონეების მიხედვით იყოფა. დამწყებ, საშუალო დონისა და გამოცდილ მოთხილამურეებს შეუძლიათ ისრიალონ ბაკურიანის სასრიალო ტრასებზე.  

საქართველოს ულამაზესი რეგიონი, ღვინის სამშობლოდ ცნობილი კახეთი, გარშემორტყმული გომბორის ულამაზესი მთებით სამხრეთიდან და დიდი კავკასიონის ქედით ჩრდილოეთიდან,  სავსე ისტორიული ღირსშესანიშნაობებით  იტალიის პროვინციას მოგვაგონებს, თავისი უზარმაზარი ვენახებით,  არქიტექტურული ძეგლებით, ულამაზესი ხედებით და რა თქმა უნდა, უგემრიელესი ღვინით. კახეთი გთავაზობთ  უამრავ საინტერესო ადგილს, როგორც უბრალოდ დასვენების მსურველებს, ასევე  ღვინის და გემრიელი საკვების მოყვარულებს.

დაჯავშნეთ ჩვენი ტურისტული პაკეტი და გაატარეთ დაუვიწყარი დღეები ქვეყნის გასაოცარი არქიტექტურის, ულამაზესი პეიზაჟების, შესანიშნავი საკვების და განსაკუთრებული ღვინოების ფონზე.

ტურის ფარგლებში, შესაძლებლობა გექნებათ მოინახულოთ დასავლეთ საქართველო, დააგემოვნოთ სხვადასხვა ღვინოები, უგემრიელეს ტრადიციული კერძებთან ერთად. გაეცნოთ ღვინის დამზადების ტექნოლოგიებს ადგილობრივ ოჯახებსა და დიდ საწარმოებში.

აბასთუმანი - კლიმატურ-ბალნეოლოგიური კურორტი მდებარეობს სამცხე-ჯავახეთში. მისი ტერიტორია წიწვოვანი ტყითაა დაფარული. კლიმატი იდეალურია ფილტვების დაავადებათა პროფილაქტიკისათვის. განსაკუთრებით სასარგებლოა ზაფხულის სეზონი, რადგან სწორედ ამ დროს იწყებს ფიჭვი დამტვერვას და ფილტვებში შემავალი მტვერი დადებითად მოქმედებს მასზე. გარდა კლიმატისა, აბასთუმნის ჰიპერთერმული, სუსტად მინერალიზებული წყაროები უამრავ დაავადებას კურნავს.

აღმოაჩინე განსაკუთრებული გემოები, კუთხეების მიხედვით. ისიამოვნე შენი ქვეყნის ისტორიული მემკვიდრეობით....

წყალტუბოს ბალნეოლოგიური კურორტი მდებარეობს იმერეთში, ის ცნობილია თერმულ-რადონული მინერალური წყლის აბაზანებით. მინერალურ წყალს მრავალმხრივი სარგებლობა მოაქვს და კურნავს ისეთ დაავადებებს, რომლებიც უკავშირდება: გულსა და სისხლძარღვებს, კანს, პერიფერიულ ნერვულ სისტემას, კიდურებს, ენდოკრინულ სისტემას, ასევე აქ მკურნალობენ ცერებრალური დამბლით, რევმატიზმითა და პოლიომელიტით დაავადებულებს. წყალტუბოში შეხვდებით კარსტულ მღვიმეებს, რომლებსაც ბრონქიალური ასთმის, ნევროზის და სტენოკარდიის სამკურნალოდ იყენებენ.წყალტუბოს ბალნეოლოგიური კურორტი მდებარეობს იმერეთში, ის ცნობილია თერმულ-რადონული მინერალური წყლის აბაზანებით. მინერალურ წყალს მრავალმხრივი სარგებლობა მოაქვს და კურნავს ისეთ დაავადებებს, რომლებიც უკავშირდება: გულსა და სისხლძარღვებს, კანს, პერიფერიულ ნერვულ სისტემას, კიდურებს, ენდოკრინულ სისტემას, ასევე აქ მკურნალობენ ცერებრალური დამბლით, რევმატიზმითა და პოლიომელიტით დაავადებულებს. წყალტუბოში შეხვდებით კარსტულ მღვიმეებს, რომლებსაც ბრონქიალური ასთმის, ნევროზის და სტენოკარდიის სამკურნალოდ იყენებენ.

ბალნეოლოგიური კურორტი ბორჯომი, რომელიც მდებარეობს სამცხე-ჯავახეთში ცნობილია მინერალური წყლით, “ ბორჯომი”. დღესდღეისობით ის 40 ქვეყანაში ექსპორტირდება. ბორჯომი შველის ისეთ პრობლემებს, რომლებიც უკავშირდება: საჭმლის მომნელებელ სისტემას, სასუნთქ ორგანოებს, ნერვულ სისტემას და ნივთიერებათა ცვლასთან დაკავშირებულ დაავადებებს. ასევე, არაჩვეულებრივია ორგანიზმის გაწმენდისა და იმუნიტეტის გაძლიერების კუთხითაც. ბორჯომის ხეობაში შესაძლებლობა მოგეცემათ, მოინახულოთ 200-ზე მეტი ისტორიული მონუმენტი: მონასტრები, ციხე-კოშკები, ეკლესიები. 

ბალნეოლოგიური კურორტი შოვი მდებარეობს ონის მუნიციპალიტეტში. სამკურნალო ფაქტორს წარმოადგენს ნახშირმჟავა-ჰიდროკარბონატული ნატრიუმ-კალციუმიანი მინერალური წყაროების წყალი და მთის ჰავა. აქ მკურნალობენ ადამიანები, რომლებსაც აქვთ კუჭნაწლავის, საჭმლის მონელებისა და ნერვული სისტემის, სუნთქვის ორგანოების პრობლემები, ასევე სანაღველე და საშარდე გზების დაავადებები.

კურორტი  ახტალა – მდებარეობს კახეთში, ქ. გურჯაანში თბილისიდან 122 კმ-ზე, ზღვის დონიდან 412 მ-ზე. ჰავა ზომიერი კონტინენტურია: ზაფხული ცხელი, ზამთარი თბილი. კურორტის სამკურნალო ფაქტორია ფსევდოვულკანური ტალახი, რომელსაც იყენებენ აბაზანებისთვის, აპლიკაციებსა და ტამპონებისთვის. ტალახი ნაცრისფერია და თხიერი კონსისტენცია აქვს; ტალახის ხვედრითი წონა წყლის შემცველობისა და ატმოსფერული ნალექების შესაბამისად იცვლება. ასევე ცვალებადია მისი ტემპერატურაც – ის დამოკიდებულია ჰაერის ტემპერატურაზე; ყველაზე თბი¬ლია ივლის-აგვისტოში, ყველაზე ცივი – დეკემბერ-იანვარში. ტალახი კურნავს: მოძრაობის ორგანოთა ქრონიკულ დაავადებებს, პერიფერიულ ნერვული სისტემისა და გინეკოლოგიურ დაავადებებს. საკურორტო სეზონი აპრილიდან დეკემბრამდე გრძელდება.

სამთო-სათხილამურო კურორტი გუდაური ყაზბეგის მუნიციპალიტეტში ალპურ ზონაშია განთავსებული, კავკასიის სამხრეთ ფერდობებზე, ზღვის დონიდან 2200 მეტრ სიმაღლეზე. კურორტი გარშემორტყმულია დიდ კავკასიონის მონუმენტური მთათა სისტემითა და მასივებით. გუდაური თბილისიდან ჩრდილოეთით, სულ რაღაც 120 კილომეტრში, 2 საათის სავალ მანძილზე მდებარეობს. ზამთრის სეზონი, დეკემბრის თვიდან, საშუალოდ, აპრილის თვის ბოლომდე გრძელდება. გუდაურის ფერდობები ამოუწურავ შესაძლებლობებს სთავაზობს ყველა კატეგორიის მოთხილამურეს: ფუნქციონირებს ოთხი სხვადასხვა სირთულის, 26 სასრიალო გზა, რომელთა საერთო სიგრძე 52 კილომეტრს შეადგენს. კურორტზე არსებული სათხილამურო ფერდები იდეალურად ითვლება თავისუფალი სტილით სრიალის (Freeride) მოყვარულთათვის, სადაც თოვლის საფარი საშუალოდ 1-2 მეტრს აღწევს.